​

اهلا بيك ابننا دكتور احمد قدوس .. بداية  انا بشكرك وبشكر قناة مصر على اتاحة الفرصه ليا علشان اعبر عن امتناني وسعادتي من فخر مصر والوطن العربي  محمد صلاح .. انا عاوزه اشكره من خلال برنامجكم على  عرفانه بأن  الدكتور ابراهيم  (الله يرحمه) كان محفز له ومؤثر في مسيرة نجاحه 

وفي الحقيقه احب اقوله و اقول لكل ناجح إتأثر بكتب او محاضرات زوجي العزيز للدكتور ابراهيم  انه لو كان عايش دلوقتي  بيننا كان هيكون في غاية السعاده والفرح بالاثر والنجاح والايجابيه اللي قدر يزرعها في قلوب الناس ويصنع الامل في حياتهم ودي كانت رسالته 

وزي ماكان دكتور ابراهيم بيزرع الامل في قلوب الناس انت كمان يا كابتن محمد صلاح بتزرع الامل في قلوبهم  لان قصة نجاحك هي عبره في حد ذاتها لكل انسان عاوز ينجح وبيقابل تحديات وألم و صعاب في

طريقه و بيقدر يكمل ... شكرا محمد صلاح

واتمنى كل الشباب في مصرنا الغاليه والوطن العربي وكل بلاد العالم يتعلموا من مسيرة محمد صلاح لانه فعلا النموذج اللي لازم نعلمه لاولادنا وشبابنا

انا سعيده ان كلمتي دي تكون من خلالك دكتور احمد قدوس لانك انت طبعا كنت الابن الروحي للدكتور

 ابراهيم الققي وهو كان كتير يحبك ويقدر تميزك في التدريب وكنت كبير المدربين المساعدين له .. وانت  دلوقتي اللي بتكمل رسالته النبيلة .. واخيرا شكرا ليك ولقناة مصر  .. ولكل الناس اللي بيحبو ابراهيم الفقي الله يرحمه 

    ..  واحب اختم بالكلمة اللي كان دايما يحب يختم بيها محاضراته 

عيش كل لحظه كأنها آخر لحظه في حياتك وقدر قيمة الحياة